ЖЕР СІЛКІНІСІ КЕЗІНДЕГІ ҚАУІПСІЗДІК

ЖЕР СІЛКІНІСІ КЕЗІНДЕГІ ҚАУІПСІЗДІК

Сақтық шараларын білу – өмірді сақтап қалудың маңызды қадамы!

Жер сілкінісі – адам өмірі мен денсаулығына қауіп төндіретін табиғи апаттардың бірі. Жер сілкінісінің қашан және қай жерде болатынын алдын ала дәл болжау мүмкін емес. Сондықтан әрбір азамат төтенше жағдай кезінде өзін қалай ұстау керектігін білуі қажет.

Жер сілкінісі басталған кезде не істеу керек?

Егер сіз ғимараттың ішінде болсаңыз:

* Сабыр сақтап, үрейге бой алдырмаңыз.
* Терезелерден, әйнекті есіктерден және ауыр жиһаздардан алыс тұрыңыз.
* Берік үстелдің астына кіріп, басыңыз бен мойныңызды қолыңызбен қорғаңыз.
* Лифтті пайдаланбаңыз және жер сілкінісі кезінде ғимараттан жүгіріп шығуға тырыспаңыз.
* Дүмпу тоқтағаннан кейін ғана баспалдақ арқылы абайлап сыртқа шығыңыз.

Егер көшеде жүрсеңіз:

* Ғимараттардан, электр бағандарынан, ағаштардан және жарнамалық құрылымдардан алыс ашық жерге барыңыз.
* Электр сымдарына жақындамаңыз.
* Жер сілкінісі тоқтағанша қауіпсіз жерде болыңыз.

Егер көлік ішінде болсаңыз:

* Көлікті қауіпсіз жерге тоқтатыңыз.
* Көпірлерден, жол өткелдерінен, ғимараттардан және электр желілерінен алыс болыңыз.
* Дүмпу тоқтағанша көлікте қалып, жағдайды бақылаңыз.

Жер сілкінісінен кейін не істеу керек?

* Зардап шеккендерге мүмкіндігінше көмек көрсетіңіз.
* Газдың иісі сезілсе, электр құралдарын қоспай, қауіпсіз жерге шығыңыз.
* Зақымданған ғимараттарға қайта кірмеңіз, өйткені қайталама дүмпулер болуы мүмкін.
* Ресми ақпаратты тыңдап, төтенше жағдайлар қызметінің нұсқауларын орындаңыз.
* Қажет болған жағдайда 112 нөміріне хабарласыңыз.

Есіңізде болсын! Жер сілкінісі кезінде дұрыс әрекет ету, сабыр сақтау және қауіпсіздік ережелерін білу адам өмірін сақтап қалуға көмектеседі.

Ақпарат көзі : https://www.gov.kz/memleket/entities/zhambyl-moyynkum-karaboget/press/news/details/1315886?lang=ru