Өскеменде өрт-тактикалық жаттығулар өтті. Құтқарушылар өрт сөндіру аңызына сәйкес құрылыс материалдары гипермаркетінде өртті сөндіру бойынша оқу-жаттығу өткізді. Электр сымдарының шартты қысқа тұйықталуының нәтижесінде өрттің жануы және қойма бөлмесінде орналасқан құрылыс материалдары бар сөрелерге таралуы болды. Гипермаркет қызметкерлері өртті анықтағаннан кейін “112” қызметіне хабарлап, адамдарды көшіруді бастады, кезекші электрик электр қуатын өшіріп, объектінің қүзет қызметі бастапқы құралдардың көмегімен өртті жеңуге тырысады, бірақ қатты түтіннің салдарынан олар сауда залынан кетуге мәжбүр болады. Келген өрт сөндіру есептері гипермаркет қызметкерлерін жанып жатқан үй-жайдан көшіріп, отпен күреске кірісті. Объектінің екі қызметкеріне ҚР ТЖМ Апаттар медицинасы орталығының дәрігерлерінің көмегі қажет болды. Өрт сөндірушілердің үйлесімді іс-қимылымен өрт 100 ш. м. шартты алаңда тоқтатылды.
“Өрт қауіпті материалдарды сақтайтын объектіде өткізілетін оқу – жаттығулар ғимаратта өрт туындаған жағдайда және азаматтарды құтқару жөніндегі іс-қимылдар кезінде құтқарушылар мен персоналдың дағдылары мен өзара іс-қимылын жетілдіруге бағытталған”, – деп атап өтті ШҚО ТЖД бастығының орынбасары Амангелді Енсегенов.
Ақпарат көзі : https://www.gov.kz/memleket/entities/emer-vko/press/news/details/966397?lang=kk
Жауап қалдыру Жауапты болдырмау