Қоғамдық қауіпсіздік – ортақ жауапкершілік!

Жарияланды:

11/04/2025 22:49

—

Автор:

Бәйтерек ауданы әкімдігі жанындағы құқық бұзушылық профилактикасы жөніндегі ведомствоаралық комиссияның кезекті отырысы өтті. Жиында аудан тұрғындарының қауіпсіздігін қамтамасыз ету және қылмыстың алдын алу бағытында атқарылып жатқан жұмыстар талқыланды.

2024-2028 жылдарға арналған қоғамдық қауіпсіздікті қамтамасыз ету тұжырымдамасының орындалу барысы сараланып, әр сала бойынша нақты тапсырмалар берілді.

Жол-көлік оқиғаларының алдын алу және жол қозғалысы қауіпсіздігін арттыру мақсатында жүргізілген жұмыстар талқыланды. Жол инфрақұрылымын жақсарту, көлік тәртібін бақылау және жаяу жүргіншілердің қауіпсіздігін қамтамасыз ету мәселелері көтерілді.

Қасақана кісі өлтіруге қарсы іс-қимыл жоспары аясында атқарылған жұмыстар мен қылмыстың алдын алу бойынша кешенді шаралар ұсынылды.

Интернет-алаяқтыққа қарсы күрес мәселесі қаралып, тұрғындарға алаяқтықтың жаңа түрлері туралы ақпараттандыру жұмыстарын күшейту тапсырылды.

Құқық бұзушылықтың алдын алу мақсатында БАҚ және әлеуметтік желілерде ақпараттық жұмысты жүйелеу мәселесі қозғалды. Қоғамдық тәртіпті сақтау бойынша түсіндіру шараларын кеңейту қажеттілігі айтылды.

Отырыс қорытындысы бойынша құқық қорғау органдары мен мемлекеттік мекемелерге нақты тапсырмалар берілді. Тұрғындардың қауіпсіздігі – басты назарда!

Егер сіз құқық бұзушылықтың куәсі болсаңыз немесе күмәнді жағдайларға тап болсаңыз, дереу тиісті органдарға хабарлаңыз!