ШҚО әкімі аппаратында мемлекеттік органдардың нашақорлық пен есірткі қылмысына қарсы іс-қимылға бағытталған қызметін үйлестіру жөніндегі Өңірлік ведомствоаралық штабтың жұмыс тобының кездесуі өтті.
Талқылау тақырыбы – Аппараттың мемлекеттік-құқықтық бөлімі мен ШҚО әкімі аппаратының Жобалық офисі бірлесіп әзірлеген «Нашақорлыққа және есірткі қылмысына қарсы іс-қимыл» үлгілік базалық бағыты № 7 картасының (ҮББ-7) пилоттық жобасы.
Іс-шараға ішкі саясат, білім беру, денсаулық сақтау, жолаушы көлігі және автомобиль жолдары басқармаларының, сондай-ақ Полиция департаментінің, облыстық прокуратураның және ҚР ДСМ Медициналық және фармацевтикалық бақылау комитетінің Шығыс Қазақстан облысы бойынша өкілдері қатысты.
Негізгі назар ҮББ-7 жобалар картасының міндеттерін орындау механизмін талқылауға аударылды. Кеңес шеңберінде салалық ведомстволардың сұраныстары бойынша тапсырмалар мен іс-шараларға ұсыныстар енгізілді. Қатысушылар жобалық құрылымды өңірлік ерекшелікке бейімдеу жолдарын бірлесіп қарастырып, ақпараттық-түсіндіру жұмыстарының тиімділігін арттыру жолдарын ұсынды.
Кеңестің қорытындысы бойынша барлық тартылған құрылымдардың ведомствоаралық өзара іс-қимыл, жобалық тәсіл және әлеуметтік жауапкершілік қағидаттарында ҮББ-7 міндеттерін бірлесіп іске асыруға дайындығының жоғары деңгейі расталды.
Ақпарат көзі : https://www.gov.kz/memleket/entities/akimvko/press/news/details/979511?lang=kk
Жауап қалдыру Жауапты болдырмау