9 мамыр күні Якорь ауылдық округінде Ұлы Отан соғысындағы Жеңістің 80 жылдығына арналған салтанатты іс-шаралар өтті.
Таңертең жергілікті тұрғындар мен округ қонақтары Ұлы Отан соғысында қаза тапқандарға арналған ескерткішке гүл шоқтарын қойып, батырлардың рухына тағзым етті. Іс-шараға әкімдік өкілдері, мектеп оқушылары, ардагерлер мен округ тұрғындары қатысты. Қатысушылар Отан үшін жанын қиған жауынгерлерді бір минут үнсіздікпен еске алып, олардың ерліктеріне шексіз алғыстарын білдірді.
Гүл шоқтарын қою рәсімінен кейін округ өнерпаздарының қатысуымен мерекелік концерт өтті. Концерт барысында соғыс жылдарындағы әндер, Отанға деген сүйіспеншілік пен бейбітшілік туралы өлеңдер шырқалып, көрермендерге ерекше әсер сыйлады. Концерт патриоттық рухта өтіп, көрермендердің жүрегінен орын алды.
Жеңіс күні Якорь ауылдық округінде ерекше салтанатты әрі жүрекке жылы түрде өтті. Бұл – ата-бабаларымыздың ерлігі мен тарихты ұмытпау маңыздылығын еске салатын күн.
Ақпарат көзі : https://www.gov.kz/memleket/entities/kzh-yakor/press/news/details/993266?lang=kk
Жауап қалдыру Жауапты болдырмау