Батыс Teacher’s TUR республикалық слеті: Ұстаздардың тәжірибесі мен инновациялық идеялары

Бүгін Батыс Қазақстан облыстық білім басқармасының Әдістемелік орталығы ұйымдастырған «Батыс Teacher’s TUR» республикалық слеті өз жұмысын бастады. Бұл іс-шара педагог-шебер ұстаздардың тәжірибелерімен бөлісу және жаңашыл идеяларды тарату мақсатында өткізілді. Слет педагогтер арасында кәсіби байланыс орнатуға, білім беру саласындағы инновациялық әдіс-тәсілдерді кеңінен таратуға және шығармашылық идеяларды ортаға салуға зор мүмкіндік берді.

Шараға Қазақстанның әр өңірінен, атап айтқанда Астана, Алматы, Шымкент қалаларынан және облыстардан 150-ге жуық педагог қатысты. Олардың барлығы мұғалім-шебер санатындағы ұстаздар болып табылады.

«Батыс Teacher’s TUR» республикалық слеті екі негізгі бағыттан тұрды:

1. Стратегиялық сессия (Strategic Session) – «Белсенді әдістер – білім сапасының негізі» тақырыбында өткен шеберлік сыныптар. Бұл сессияда педагогтер белсенді әдістер мен заманауи оқыту тәсілдерін қолдану арқылы білім сапасын арттыру жолдарын талқылады.

2. Саяхат-семинар (экскурсиялық TUR) – «Тарихтың ізімен: туған өлкемнің көрнекті орындарына саяхат» атты экскурсия. Бұл бағытта ұстаздар Батыс Қазақстан облысының тарихи орындары мен мәдени мұрасымен танысты. Экскурсия барысында мұғалімдер туған өлкесінің тарихына терең бойлап, өңірдің ерекшеліктері мен бай мәдениетіне қызығушылық танытты.едагогтердің кәсіби дамуына жаңа мүмкіндіктер

Слетке қатысушы барлық педагогтерге Батыс Қазақстан облысының білім басқармасының қатысушы сертификаттары табыс етілді. Мұндай іс-шаралар ұстаздардың кәсіби деңгейін арттыруға, тәжірибе алмасуға, сондай-ақ әртүрлі инновациялық әдіс-тәсілдерді қолдануда жаңа көзқарастар қалыптастыруға ықпал етеді.

Бүгінгі «Батыс Teacher’s TUR» республикалық слеті педагогтерге тек қана тәжірибе алмасып қана қоймай, сонымен қатар өздерінің шығармашылық әлеуетін жүзеге асыруға мүмкіндік берген маңызды алаң болды. Ендігі кезекте әрбір педагог өз тәжірибесімен бөлісіп, білім беру саласындағы жаңа әдіс-тәсілдерді мектептерде тиімді қолдануға көшетіні анық.

Ақпарат көзі : https://www.gov.kz/memleket/entities/bko-uvp/press/news/details/996994?lang=kk