Тамақтану бойынша ұсыныстар

Тамақтану бойынша ұсыныстар

• Ас блогында азық-түлік (тамақ) шикізатының, шикі жартылай фабрикаттардың және дайын тамақ өнімдерінің, пайдаланылған және таза ыдыстардың қарсы немесе айқас ағындарын болдырмайтын технологиялық процестердің реттілігі мен ағыны көзделеді.
• Объектінің басшысы бекіткен балалардың әрбір жас тобы үшін перспективалы маусымдық (жаз – күз, қыс – көктем) екі апталық мәзір (объектінің жұмыс режимін ескере отырып) жасалады.
• Шатыр типті БСҰ (киіз үй) күнтізбелік 7 (жеті) күнге дейінгі кезеңге мәзір әзірленеді.
• Балалардың тамақтану рационында витамин-минералды кешенмен байытылған тамақ өнімдері көзделеді.
• Нақты рацион және күнделікті мәзірді құру бекітілген перспективалық мәзірге сәйкес қамтамасыз етіледі.
• Қажетті тамақ өнімі болмаған кезде тамақ өнімін ауыстыру кестесіне сәйкес өнімге ауыстыру жүргізіледі.
• Тез бұзылатын тамақ өнімдерін сақтау төмен температуралы тоңазытқыш жабдықтарында, тоңазытқыш камераларында, тоңазытқыштарда жүзеге асырылады. Температураны бақылау үшін термометрлер орнатылады.
• Күн сайын тамақ алатын балалардың саны, жасына байланысты дайын тағамдардың бір бөлігінің салмағын граммен көрсете отырып, әрбір тағамға арналған тағамдардың тізбесі, сондай-ақ әрбір тағам бойынша тамақ өнімдерінің шығыны (брутто салмағында) көрсетілетін мәзір-макет жасалады және ілінеді.
• Балаларды тамақтандыру күніне кемінде бес рет, қосымша екінші таңғы аспен немесе кешкі аспен, тамақтану аралығы 4 сағаттан аспайтын мерзімде көзделеді.
• Тағамды дайындау дайындаушы әзірлеген және бекіткен технологиялық карталарға сәйкес тағамдардың картотекасын пайдалана отырып жүргізіледі, онда тағамға кіретін тамақ өнімдерінің тізбесі, оның граммен (брутто) массасы, дайын тағамның нетто салмағы (тағамның шығымы), химиялық құрамы (граммен), калориялығы, тағам дайындау технологиясы туралы мәліметтер көрсетіледі.
• Күн сайын рационға ет, сүт, май және өсімдік майы, қара бидай және (немесе) бидай наны, көкөністер мен қант қосылады. Балық, жұмыртқа, ірімшік, сүзбе, құс еті жеті күнтізбелік күнде кемінде бір рет қосылады.
• Мәзірде сол күні және келесі екі күнтізбелік күнде бірдей тағамдардың немесе аспаздық өнімдердің қайталануы алынып тасталады.
• Балалардың сауықтыру объектілеріндегі тамақ өнімдерінің жиынтығы күніне бір балаға (брутто массасында) № 16 Санитариялық қағидаларға кестеде келтірілген.
• Балалар мен жасөспірімдерге жасына (жылдарына) байланысты бөліктің массасы (граммен) № 16 санитариялық ережелерге кестеде келтірілген.
• Гиповитаминоздың алдын алу және балаларды тиімді сауықтыру мақсатында салқындатылған сусындарды (компот, желе) С дәруменімен жасанды дәрумендендіру жүргізіледі, С-витаминдеу журналына жазу жүргізіледі.

Мектепке дейінгі және мектеп жасындағы балаларға арналған балалар тағамының тамақ өнімдерін өндіру (дайындау) және өткізу кезінде объектілерде алынып тасталады:

а) дайындау және сату:

йогурт, сүзбе және ашытылған сүт өнімдері;

ет салмасы бар құймақ;

по-флотски макароны;

зельцев, форшмактар, студни, паштеттер;

кремі бар кондитерлік өнімдер;

жеміс сусындары, квас;

фритюрде қуырылған өнімдер;

жұмсақ пісірілген жұмыртқа, глазунь қуырылған жұмыртқа;

күрделі (төрт компоненттен астам) салаттар;

қаймақ пен майонез қосылған салаттар;

окрошкалар;

ыстық тұздықтар, кетчуптер;

б) сату:

қантты алкогольсіз сусындар, алкогольсіз энергетикалық (тоник) сусындар, концентрацияланған диффузиялық шырындар;

чипсілер, сухариктер, гамбургерлер, хот-догтар;

в) пайдалану және енгізу:

термиялық өңдеусіз пастерленбеген сүт, сүзбе және қаймақ;

алдыңғы тағамдардан қалған тамақ, сондай-ақ бір күн бұрын дайындалған тағам, дайын тағамдарды алдыңғы күннің қалдықтарымен араластыру.

• Азық-түлік (тамақ) шикізаты мен тамақ өнімдерін қабылдау № 16 Санитариялық қағидаларға нысанға сәйкес тез бұзылатын тамақ өнімдері мен жартылай фабрикаттардың бракераж журналына деректерді енгізе отырып, таңбалау, өнімнің қауіпсіздігін растайтын тауарға ілеспе құжаттама (сәйкестік туралы декларация, мемлекеттік тіркеу туралы куәлік, ветеринариялық-санитариялық сараптама құжаттары) болған кезде жүзеге асырылады.
• Объектінің жауапты тұлғалары ас блогына келіп түскен тамақ өнімдерінің сапасын, өнімді сақтау шарттарын және жарамдылық мерзімдерінің сақталуын, тәуліктік сынаманы іріктеу мен сақтаудың дұрыстығын, ыдыс-аяқ дайындау технологиясының сақталуын, персонал мен асхана бойынша кезекшілердің жеке гигиена ережелерін тексеруді жүзеге асырады.
• Дайын тағамды беру Санитариялық қағидаларға нысанға сәйкес дайын тағамдардың сапасын органолептикалық бағалау журналына жазбалар енгізе отырып медицина қызметкері дайын тағамдардың сапасына органолептикалық бағалау жүргізгеннен кейін жүзеге асырылады.
• Күн сайын ас блогында дайындалған тамақ өнімдерінің әр партиясынан дайын өнімнің тәуліктік сынамасы алынады.
• Тәуліктік сынаманы іріктеуді ас блогының тағайындалған жауапты қызметкері арнайы бөлінген зарарсыздандырылған және таңбаланған ыдыстарға (тығыз жабылатын) – жеке-жеке әрбір тағамға және (немесе) аспаздық бұйымға толық көлемде (гарнирлер жеке ыдысқа іріктеледі) жүзеге асырады. Суық тағамдар, бірінші тағамдар, гарнирлер мен сусындар (үшінші тағамдар) кем дегенде 200 грамм мөлшерінде таңдалады. Бөлінген тағамдар, биточкалар, пирожныйлар, ірімшіктер, құймақ, шұжық, бутербродтар бір бөлікке тұтастай қалдырылады (бір порция көлемінде).
• Тәуліктік сынамалар тоңазытқышта арнайы бөлінген орында немесе тоңазытқышта +2 °C – тан +6 °C-қа дейінгі температурада, сондай-ақ демалыс күндерінен кейін дайындалған тағаммен (демалыс күндерінің санына қарамастан) – таңғы аспен, түскі аспен, түстен кейінгі шаймен немесе кешкі аспен ауыстырылғанға дейін кемінде 48 сағат сақталады.

Ақпарат көзі : https://www.gov.kz/memleket/entities/mangystau-edu/press/news/details/996987?lang=kk