2024 жылғы 1 желтоқсаннан бастап сәулет-жоспарлау тапсырмасын беру бойынша мемлекеттік қызмет тек мемлекеттік қала құрылысы кадастрының автоматтандырылған ақпараттық жүйесі (МҚҚК ААЖ) порталы арқылы көрсетіледі. Бұған дейін қызмет «elicense.kz» порталы арқылы ұсынылған.
Қызмет келесі нормативтік актілерге сәйкес жүзеге асырылады:
– Қазақстан Республикасының «Сәулет, қала құрылысы және құрылыс қызметі туралы» Заңы;
– құзыретті органмен бекітілген құрылыс салуды ұйымдастыру және рұқсат беру рәсімдерінің ережелері;
– Қазақстан Республикасы үкіметімен бекітілген мемлекеттік қызметтерді көрсету ережелері.
Сәулет-жоспарлау тапсырмасы (СЖТ) – бұл құрылыс немесе қайта құру жоспарланған нысанның орналасу орны, параметрлері және сәулеттік шешімдері бойынша негізгі талаптарды айқындайтын құжат.
Сәулет-жоспарлау тапсырмасы не үшін қажет:
– құрылысқа рұқсат алу үшін;
– қала құрылысы, санитарлық, өрт қауіпсіздігі және экологиялық нормалардың сақталуы үшін;
– нысанның бас жоспар мен аумақтың детальды жоспарлау талаптарына сәйкестігін қамтамасыз ету үшін.
Қажетті құжаттар:
Жеке және заңды тұлғалар үшін:
– өтініш (порталда толтырылады).
– жер учаскесіне меншік құқығын растайтын құжаттар.
Құрылыс салу келесі негізде жүзеге асырылады:
– бекітілген сәулет және қала құрылысы регламенттері;
– тиісті елді мекенде қолданыстағы құрылыс және жер пайдалану ережелері.
Қызмет көрсету мерзімі: Толық құжаттар пакеті тапсырылған күннен бастап 10 жұмыс күніне дейін. Қызмет тегін көрсетіледі.
Қосымша ақпаратты Шахтинск қаласының «Жер қатынастары, сәулет және қала құрылысы бөлімі» мемлекеттік мекемесінен алуға болады.
Ақпарат көзі : https://www.gov.kz/memleket/entities/zem-shahtinsk/press/news/details/997714?lang=kk
Жауап қалдыру Жауапты болдырмау