Іс-шара мерекелік атмосферада өтіп, оған жастар, мемлекеттік органдардың өкілдері, қоғамдық ұйымдар мен эко-активистер қатысты.
«Жасыл ел» маусымы жыл сайын еліміздің түкпір-түкпірінен келген, қоршаған ортаны қорғауға, көгалдандыруға және аумақтарды абаттандыруға үлес қосуды қалайтын жастарды біріктіреді. Биыл жоба өзінің 20 жылдығын атап өтіп, экологиялық ағарту мен қоршаған ортаны жақсартуға бағытталған практикалық әрекеттерге ерекше көңіл бөліп, жұмысын жалғастырады.
Іс-шараның ресми бөлімінен кейін қатысушылар экологиялық акция — аумақты тазалау жұмыстарына кірісті. Жастар еңбек жасақтары мен Зеренді ауданының тұрғындары қоғамдық аумақтарды қоқыстан тазартып, белсенді азаматтық ұстанымдары мен табиғатқа деген жанашырлықтарын көрсетті.
Ұйымдастырушылар мұндай бастамалардың экологиялық мәдениетті қалыптастыруда және өсіп келе жатқан ұрпақтың қоршаған ортаға деген жауапкершілігін арттыруда маңыздылығын атап өтуде.
«Жасыл ел» жобасы жаз бойы бүкіл өңірде жалғасып, маусымдық жұмыспен шамамен 1500 жасты қамтитын болады.
Ақпарат көзі : https://www.gov.kz/memleket/entities/aqmola-uvp/press/news/details/1012919?lang=kk
Жауап қалдыру Жауапты болдырмау