2024–2025 оқу жылының аяқталуына орай сіздерді орта білім беру ұйымын сәтті аяқтауларыңызбен шын жүректен құттықтаймын!
Биылғы жыл қаламызда «Білім жылы» деп жарияланды. Бұл – білім саласына ерекше назар аударылып, ұстаздар мен оқушыларға жан-жақты қолдау көрсетілген маңызды кезең болды. Осы бастаманың нәтижесін бүгін сіздердің жетістіктеріңізден айқын көріп отырмыз.
Ағымдағы оқу жылында қаламызда 1 469 оқушы 11-сыныпты аяқтап, үлкен өмірге қадам басқалы отыр. Оның ішінде 29 түлек – «Алтын белгі» төсбелгісіне, 126 түлек – «Үздік аттестатқа» үміткер.
Құрметті түлектер!
Сіздерге алда үлкен жауапкершілік пен жаңа мүмкіндіктерге толы өмір жолы күтіп тұр. Әрқайсыңызға алға қойған армандарыңыз бен мақсаттарыңызға жетуде сәттілік, қажыр-қайрат, табыс тілеймін!
Білім мен еңбек жолы – биік белестердің бастауы. Сол жолда аянбай ізденіп, еліміздің жарқын болашағына өз үлестеріңізді қосады деп сенемін.
Ізгі ниетпен, Жаңаөзен қаласының әкімі Жансейіт Қайнарбаев
Ақпарат көзі : https://www.gov.kz/memleket/entities/akimat-goroda-zhanaozen/press/news/details/1003021?lang=kk
Жауап қалдыру Жауапты болдырмау