Мектептерді жаңғырту – басты назарда

Мемлекет басшысының тапсырмасына сәйкес, 2025–2027 жылдарға арналған орта білім беру ұйымдарын реновациялау жоспарлары өңір әкімдіктерімен әзірленді.

Биылғы жылы Батыс Қазақстан облысындағы 6 мектепте реновация жұмыстары жүргізілуде:

– Бәйтерек ауданы, “Белес “мектеп-бөбекжай-балабақша” кешені” КММ-сі

– Жаңақала ауданы, “Д. Нұрпейісова атындағы жалпы орта білім беретін мектебі” КММ-сі

– Казталов ауданы, “Қараөзең мектеп-лицейі” КММ-сі

– Сырым ауданы, “А. Жұмағалиев атындағы жалпы орта білім беретін мектебі” КММ-сі

– Шыңғырлау ауданы, “Л. Қылышев атындағы жалпы орта білім беретін мектебі” КММ-сі

– Ақжайық ауданы, “Ғ. Махамбетов атындағы жалпы орта білім беретін мектебі” КММ-сі

Реновация аясында мектептерде күрделі жөндеу жұмыстары жүргізіліп, заманауи пәндік кабинеттермен жабдықтау, мектеп жиһаздарын жаңарту, кітапханалар мен асханаларды жаңғырту, спорт залдарын қайта жаңарту немесе салу, рекреациялық және қоғамдық кеңістіктерді жақсарту, қауіпсіздік жүйелерін орнату жұмыстары атқарылады.

Бұл шаралар білім беру ұйымдарының материалдық-техникалық базасын нығайтып қана қоймай, заманауи білім беру технологияларын енгізуге және педагогтердің біліктілігін арттыруға мүмкіндік береді.