Қасиетті Ұлытау төріндегі «Жошы хан» тарихи-мәдени кешенінде Ұлытау және Қарағанды облыстарының діни бірлестіктер клубтары мүшелерінің бірлескен кездесуі өтті.
Іс-шараға Ұлытау облысы Дін істері басқармасының басшысы Дулат Төлегенов қатысып, мемлекет пен діни ұйымдардың қоғам тәрбиесінде нәтижелі серіктестік орнатуының маңыздылығын атап өтті. Ол діни бірлестіктерді жастар тәрбиесі мен рухани құндылықтарды насихаттауда белсенді болуға шақырды.
Кездесу барысында:
-дін саласындағы өзекті мәселелер;
-конфессияаралық татулық пен түсіністікті нығайту жолдары;
-“Діни қызмет және діни бірлестіктер туралы” заңға енгізілетін өзгерістер мен толықтырулар талқыланды.
Талқылау нәтижесінде әзірленген ұсыныстар хаттамасы ҚР Мәдениет және ақпарат министрлігіне жолданатын болады. Бұл — дін саласындағы саясатты жетілдіруге жергілікті діни қауымдастықтардың нақты үлесін білдіреді.
Шараның бейресми бөлімінде танымдық және спорттық тимбилдинг ұйымдастырылып, қатысушылар арасында сенім мен достықты нығайтты.
Бұл кездесу — діни бірлестіктер арасындағы диалогты жандандырып, қоғамдағы рухани тұтастық пен толеранттылықты тереңдетуге бағытталған маңызды қадам
Ақпарат көзі : https://www.gov.kz/memleket/entities/ulytau-din/press/news/details/1056823?lang=kk
Жауап қалдыру Жауапты болдырмау