Аудан басшысы Медет Ысқақов Қ.Медетов атындағы Мәртөк балалар өнер мектебі – ЮНЕСКО клубы “Актёрлық өнер” класының түлегі, осы сала бойынша тұғыш рет облыс әкімдігінің білім грантына ие болған Қазиев Ерғазы Әділұлын арнайы қабылдады. Ерғазы — Күләш Байсейітова атындағы Қазақ ұлттық өнер университетіне “Драма театры және кино артисі” мамандығы бойынша тегін оқу грантын жеңіп алды. Ол — республикалық және халықаралық байқаулардың жеңімпазы, “Алаш-фильм” студиясының арнайы дипломымен марапатталған жас талант. Аудан әкімі жас дарынды жетістігімен құттықтап, бұл жеңісі еңбекқорлық пен үлгілі оқудың нәтижесі екенін атап өтті. Сонымен қатар, грант иесіне 300 000 теңге ақшалай сертификат табыстап, шығармашылық шабыт пен сәттілік тіледі.
Ақпарат көзі : https://www.gov.kz/memleket/entities/aktobe-martuk/press/news/details/1057445?lang=kk
Жауап қалдыру Жауапты болдырмау