Бүгін Астана қаласы Полиция департаментінің ғимаратында спорттық ареналарда үздік нәтижелер көрсеткен қызметкерлерді салтанатты түрде құттықтау рәсімі өтті. Полицейлер түрлі жарыстарға қатысып, жүлделі орындарға ие болып, тек жоғары деңгейдегі дене шынықтыруын ғана емес, жеңіске деген жігерін де көрсетті.
Әсіресе, ҚР Президенттік көпсайыс чемпионатында Жедел қимылдайтын арнайы жасағының қызметкерлері ерекше нәтижелерге қол жеткізді. Абсолютті чемпион атанған – полиция капитаны Избасар Мұсабеков, ал екінші орынды полиция лейтенанты Айхат Ибрашов иеленді.
Сонымен қатар, Полиция департаментінің құрама командасы «QAZAQSTAN QYZMET CUP» мини-футбол турнирінде бірінші орынды жеңіп алды. Барлығы 17 қызметкер табандылығы, рухының күштілігі және спорттағы жоғары нәтижелері үшін марапатталды. Барлық қатысушыларды құттықтап, қызметте де, спорт алаңдарында да жаңа жетістіктер тілейміз!
Ақпарат көзі : https://www.gov.kz/memleket/entities/mvd-astana/press/news/details/1057444?lang=kk
Жауап қалдыру Жауапты болдырмау