Семейде жаңа Қоғамдық кеңесті қалыптастыру жұмыстары басталды.
2025 жылғы 25 тамызда Абай облысы Семей қаласының Қоғамдық кеңесін қалыптастыру жөніндегі жұмыс тобының отырысы өтті.
Отырыста Қазақстан Республикасының «Қоғамдық кеңестер туралы» Заңына сәйкес мынадай шешімдер қабылданды:
Қоғамдық кеңесті қалыптастыру жөніндегі жұмыс тобының құрамы бекітілді. Оның құрамына мемлекеттік органдардың, квазимемлекеттік сектордың және азаматтық қоғамның өкілдері енді.
Жұмыс тобының жетекшісі болып ең көп дауыс жинаған зейнеткер, ветеринария ғылымдарының докторы, профессор Зейнолла Қалымбекұлы Тоқаев сайланды.
Қоғамдық кеңестің сандық құрамы айқындалды – 21 адам, оның ішінде 14-і азаматтық қоғам өкілдері, 7-еуі мемлекеттік және квазимемлекеттік сектордың өкілдері.
2025 жылғы 27 тамызда Абай облысы Семей қаласы мәслихатының интернет-ресурсында Қоғамдық кеңес мүшелерін іріктеуге конкурс туралы хабарландыру орналастыру туралы шешім қабылданды.
Абай облысы Семей қаласының мәслихаты барлық ниет білдірген азаматтарды, үкіметтік емес ұйымдар мен бірлестіктер өкілдерін конкурсқа қатысуға және Қоғамдық кеңестің құрамына өту үшін құжаттарын тапсыруға шақырады.
Ақпарат көзі : https://www.gov.kz/memleket/entities/semeymaslihat/press/news/details/1057443?lang=kk
Жауап қалдыру Жауапты болдырмау