Қазақстан Республикасы Конституциясының 30 жылдық мерекесіне орай Көксу ауданында «Жанұя» отбасын қолдау және белсенді ұзақ өмір сүру орталығы ашылды.

 

📌 Салтанатты шараға Жетісу облысы әкімінің орынбасары Марлен Қапашұлы, аудан әкімі Дәулет Кенжеханұлы, мекеме басшылары, аудан ардагерлері мен тұрғындары қатысты.

 

✔️ Орталықтың негізгі мақсаты – өмірлік қиын жағдайға тап болған азаматтарға жан-жақты көмек көрсету, тұрмыстық зорлық-зомбылықтың алдын алу, қарттарды денсаулық, мәдениет, шығармашылық және іскерлік ортаға белсенді тарту арқылы олардың өмірге деген құлшынысын арттыру.

 

Қызмет бағыттары:

•Экономикалық, заңгерлік, психологиялық, медициналық және әлеуметтік көмек көрсету;

•Қиын жағдайдағы отбасыларға құқықтық қолдау көрсетіп, жәрдемақылар мен жеңілдіктерге жәрдемдесу;

 

Орталықтың мүмкіндіктері:

•Бірінші қажеттіліктегі киімдермен қамтамасыз ету;

•Арнайы мамандардың қызметі (заңгер, әлеуметтік қызметкерлер, психиатр, тұрмыстық зорлық-зомбылықтың алдын алу жөніндегі маман және т.б.);

•Арнайы мобильдік топтың құрылуы. Бұл топ ауыл тұрғындарын аралап, мұқтаж отбасыларды анықтап, қажетті көмек көрсетуді ұйымдастырады.

 

Бұл бастама қоғамдағы әлеуметтік қолдаудың маңызды бір тетігіне айналып, азаматтарға сенімді тірек болмақ.