Шымкент қаласында полиция қызметкерлері электрондық тұтыну жүйелерін вейптерді сатумен айналысқан ер адамды анықтап, оның заңсыз әрекетінің жолын кесті.
Профилактикалық іс-шаралар барысында күдіктінің вейп өнімдерін мессенджер арқылы жарнамалап, сатқаны белгілі болды. Онлайн-жарнама оған тұтынушыларды тауып, тауарды таратуға мүмкіндік берген.
Тексеру кезінде ер адамнан жалпы құны 3 миллион теңгеден асатын 332 дана электрондық тұтыну жүйесі табылып, тәркіленді.
Аталған жайт бойынша қылмыстық іс тіркеліп, тергеу әрекеттері жүргізілуде.
Полиция ескертеді: электрондық тұтыну жүйелерінің заңсыз айналымы мен сатылуы иәртіп сақшыларының ерекше бақылауында. Мұндай құқық бұзушылықтар заңнамаға сәйкес қатаң түрде тоқтатылады.
Ақпарат көзі : https://www.gov.kz/memleket/entities/mvd-shymkent/press/news/details/1185144?lang=kk
Жауап қалдыру Жауапты болдырмау