Маңғыстау облысының Мұнайлы ауданына қарасты Басқұдық ауылында хлордың төгілуіне байланысты төтенше жағдайды жою бойынша арнайы оқу-жаттығу өткізілді.
Іс-шара Төтенше жағдайлар департаментінің басшылығымен ұйымдастырылып, оған «МАЭК» ЖШС, Санитариялық-эпидемиологиялық бақылау департаменті, Полиция департаменті, Қазақстан Республикасы Қорғаныс министрлігінің №25744 әскери бөлімі, сондай-ақ Ұлттық ұланның №3502 және №6656 әскери бөлімдері, Денсаулық сақтау басқармасы және жергілікті атқарушы органдар қатысты.
Оқу-жаттығу барысында төтенше жағдай кезінде әрекет ету алгоритмдері пысықталды. Атап айтқанда, нысан қызметкерлері мен шұғыл қызметтерді хабардар ету, жақын маңдағы тұрғындарды эвакуациялау, оларды эвакуациялық пункттерге орналастыру, сондай-ақ апаттың салдарын оқшаулау және жою шаралары жүзеге асырылды.
Қатысушылар жоғары деңгейдегі үйлесімділік, жедел шешім қабылдау қабілеті және төтенше жағдайларға дайын екендігін көрсетті.
Іс-шара қорытындысы бойынша Мұнайлы ауданының әкімі оқу-жаттығудың ұйымдастырылуы мен өткізілуіне жоғары баға берді.
Маңғыстау облысы ТЖД
Ақпарат көзі : https://www.gov.kz/memleket/entities/emer-mangystau/press/news/details/1192796?lang=kk
Жауап қалдыру Жауапты болдырмау