2 сәуірде Алматы қаласы Қоғамдық денсаулық сақтау басқармасының басшысы М. Пашимовтың төрағалығымен жұмыс отырысы өтті. Отырыста Алматы қалалық ФСМС филиалының, Ұлттық денсаулық сақтауды дамыту ғылыми орталығының, сондай-ақ медициналық ұйымдардың басшыларының өкілдері қатысты.
Алматы қаласы бойынша штаб жұмысының қорытындыларымен «Даму Ақпараттық технологиялар орталығы» ЖШС басқарма төрағасы Т. К. Елеманов таныстырды. Сонымен қатар 2026 жылғы 16–29 наурыз аралығындағы телемедицина ұйымдарының қызметі туралы есеп тыңдалды. Баяндамамен телемедицина орталығының жетекшісі Ш. Н. Төлекова сөз сөйледі.
Қалалық құзыреттер орталықтарын ұйымдастыру мәселелері Алматы онкология орталығы, №2 қалалық балалар клиникалық ауруханасы, Қалалық ревматология орталығы және Фтизиопульмонология орталығы мысалында қаралды.
«Басшы мектебі — 1» бағдарламасы бойынша оқытудың қорытындылары шығарылды. Денсаулық сақтау нысандарын мониторингтеу нәтижелері туралы Алматы қаласы ҚДСБ эпидемиологиялық бақылау бөлімінің басшысы Б. Н. Мұхамадиева баяндама жасады.
Отырыс қорытындысы бойынша медициналық көмектің сапасын арттыруға және қаланың денсаулық сақтау жүйесін дамытуға бағытталған әрі қарайғы шаралар айқындалды.
Ақпарат көзі : https://www.gov.kz/memleket/entities/almaty-densaulyk/press/news/details/1193214?lang=kk
Жауап қалдыру Жауапты болдырмау