Сенімді серіктестер: ШҚО полициясының кинологтары қызметтік иттермен қарқынды дайындық курсынан өтті
Полиция департаменті Кинологиялық қызмет орталығының базасында алты күндік оқу-жаттығу жиыны аяқталды. Оған Өскемен, Риддер қалаларынан, сондай-ақ Алтай, Зайсан, Күршім, Үлкен Нарын және Марқакөл аудандарынан жаңа кинолог-мамандар өздерінің төрт аяқты серіктестерімен қатысты.
Полицейлер мен олардың серіктері бір-бірін жақсы түсінуі үшін жаттығулар нақты қызмет барысына барынша жақындатылған жағдайда өтті.
Оқу барысында мынадай бағыттарға ерекше назар аударылды:
- Дұрыс ветеринариялық күтім жасауға;
- Қорғау және із кесу жұмыстарына;
- Есірткі мен жарылғыш заттарды іздеуге.
Мұндай жиындардың басты міндеті – іс-қимылдардың мінсіз үйлесімділігіне қол жеткізу және жас қызметкерлерді қоғамдық қауіпсіздікті қамтамасыз етуге дайындау.
Қарқынды практикалық сабақтар кинологиялық қызметтің кез келген қиын тапсырмаларды орындауға дайын екенін көрсетті!
ШҚО ПД баспасөз қызметі
Ақпарат көзі : https://www.gov.kz/memleket/entities/mvd-vko/press/news/details/1203585?lang=kk
Жауап қалдыру Жауапты болдырмау