Көкшетау қаласындағы «Ақмола дарыны» дарынды балалар мен талантты жастарды анықтау және қолдау орталығының базасында «Алтын сақа» республикалық математикалық олимпиадасының облыстық кезеңі өтті.
Зияткерлік сайыстың ұйымдастырушылары: «Дарын» республикалық ғылыми-практикалық орталығы, «Зерделі» ақыл-ой дамыту мектебі мен Ақмола білім басқармасының «Ақмола дарыны» дарынды балалар мен талантты жастарды анықтау және қолдау орталығы.
Олимпиада дәстүрлі офлайн форматта мемлекеттік және орыс тілдерінде өтті. Іс-шара барысында ашықтық пен әділдік қағидаттарын сақтау басты назарда болып, қатысушылардың білімін объективті бағалауға мүмкіндік берді.
Жарысқа облыстың түкпір-түкпірінен келген 5 және 6 сынып оқушылары қатысып, өздерінің математикалық қабілеттерін көрсетті.
Олимпиада қорытындысы бойынша 5-сынып оқушылары арасында І-дәрежелі дипломмен– 5 оқушы, ІІ-дәрежелі дипломмен – 9 оқушы, ІІІ-дәрежелі дипломмен– 17 оқушы, грамотамен- 7 оқушы марапатталды.
6-сынып оқушылары арасында І-дәрежелі дипломмен– 4 оқушы, ІІ-дәрежелі дипломмен – 6 оқушы, ІІІ-дәрежелі дипломмен– 9 оқушы, грамотамен- 2 оқушы марапатталды.
І дәрежелі диплом иегерлері республикалық финалға жолдама алды.
Шын жүректен құттықтаймыз және жаңа жетістіктер тілейміз!
Ақпарат көзі : https://www.gov.kz/memleket/entities/aqmola-edu/press/news/details/1205079?lang=kk
Жауап қалдыру Жауапты болдырмау