Биыл өңірге қоныс аударатын қандастар үшін 125 квота бөлінген. Сәуір айына дейін көшіп келген 15 отбасының 47 мүшесі квотаға енгізіліп, мемлекеттік қолдау көрсетілуде, – деп хабарлайды Өңірлік коммуникациялар қызметі.
Былтыр облысқа 62 отбасы, жалпы 100 адам қоныс аударған. Этникалық қазақтардың басым бөлігі Өзбекстан, Қытай, Ресей және Түрікменстаннан келген. Олардың 99-ы Атырау қаласына, бір адам Құлсары қаласына орналасқан.
-Мемлекет тарапынан әр отбасыға көшуге арналған біржолғы субсидия беріліп, тұрғын үйді жалдау және коммуналдық қызмет шығындары 12 айға дейін өтеледі. Сондай-ақ бірқатар отбасыға тұрғын үй құнының 50 пайызына дейін қаржылай көмек қарастырылған. Жыл қорытындысында бөлінген қаражат толық игерілді. Қазір 21 отбасыға коммуналдық төлемдердің қалған бөлігі төленуде, – деді “Атырау облысы бойынша еңбек мобильділігі орталығы” КММ басшысы Мереке Есқалиев.
Мамандардың айтуынша, қандас мәртебесін алған азаматтар өңірлік квотаға Migration.enbek.kz порталы, электрондық үкімет жүйесі немесе Азаматтарға арналған үкімет арқылы онлайн өтініш бере алады.
Ақпарат көзі : https://www.gov.kz/memleket/entities/atyrau/press/news/details/1206190?lang=kk
Жауап қалдыру Жауапты болдырмау