2026 жылы 24 сәуір «Заң және тәртіп» жобасын іске асыру аясында облыс әкімінің орынбасары Нұрғалиев Ербол Жолдасбекұлының қатысуымен «Заң мен тәртіп – қауіпсіз әрі тәрбиелік білім беру ортасының негізі» тақырыбында облыстық құқықтық форум өтті.
Іс-шара білім алушылардың құқықтық мәдениетін, заңға бағынушылық мінез-құлқын және азаматтық жауапкершілігін қалыптастыру арқылы қауіпсіз, құқықтық және тәрбиелік білім беру ортасын құру мен нығайтуға, сондай-ақ кәмелетке толмағандар арасындағы құқық бұзушылықтардың алдын алу мәселелерінде білім беру ұйымдары, құқық қорғау органдары және қоғам өкілдерінің күш-жігерін біріктіруге бағытталды.
Форумның мақсатты аудиториясын облыстық басқармалар басшылары, білім беруді басқару органдарының өкілдері, құқық қорғау органдарының өкілдері, сондай-ақ білім беру ұйымдарының педагог қызметкерлері қатысты. Іс-шараның жалпы қамтылуы 350 адамды құрады.
Форумды өткізу қатысушылардың құқықтық сауаттылық деңгейін арттыруға, білім беру ортасында заңдылық пен құқықтық тәртіпті қамтамасыз етуге қатысты тәсілдерді біріздендіруге, сондай-ақ білім беру ұйымдары, құқық қорғау органдары және мемлекеттік құрылымдар арасындағы ведомствоаралық өзара іс-қимылды нығайтуға ықпал етті.
Іс-шара барысында кәмелетке толмағандар арасындағы құқық бұзушылықтардың алдын алу саласындағы озық тәжірибемен алмасу қамтамасыз етіліп, білім алушылардың заңға бағынушылық мінез-құлқын және азаматтық жауапкершілігін қалыптастыруға бағытталған тәрбиелік жұмыстың тиімді тетіктері әзірленді.
Ақпарат көзі : https://www.gov.kz/memleket/entities/vko-bilim/press/news/details/1208166?lang=kk
Жауап қалдыру Жауапты болдырмау