Абай облысының полицейлері жол қозғалысы ережелерін 42 рет бұзған құқық бұзушының жолын кесті.

Патрульдік полиция батальонының қызметкерлері құқық бұзушылықтардың алдын алу бойынша жүйелі жұмыстар жүргізуде.

Семей қаласында Глинки мен Спартак көшелерінің қиылысында Honda маркалы автокөлігі 26 жастағы жүргізушінің басқаруымен тоқтатылды. Тексеру барысында оның жол қозғалысы ережелерін бірнеше рет бұзғаны анықталды.
Сондай-ақ жүргізушінің бұған дейін 42 әкімшілік құқық бұзушылық жасағаны белгілі болды. Салынған айыппұлдардың жалпы сомасы шамамен 1 200 000 теңгені құрады, бұл жол қозғалысы қауіпсіздігіне елеулі қатер төндіретінін көрсетеді.
Қолданыстағы заңнама талаптарына сәйкес көлік құралы арнайы айыптұрағына қойылды.

Жалпы алғанда, полиция қызметкерлері «Қорғау» жүйесін тиімді пайдаланып, жол қозғалысы ережелерінің бұзылуын дер кезінде анықтап, кешенді профилактикалық жұмыстар жүргізуде.

Полиция қызметі құқық бұзушылықтардың алдын алуға бағытталған.

Ақпарат көзі : https://www.gov.kz/memleket/entities/mvd-abay/press/news/details/1208503?lang=kk