КИБЕРҚЫЛМЫС ЖӘНЕ ИНТЕРНЕТ-АЛАЯҚТЫҚТАН САҚ БОЛЫҢЫЗ!

КИБЕРҚЫЛМЫС ЖӘНЕ ИНТЕРНЕТ-АЛАЯҚТЫҚТАН САҚ БОЛЫҢЫЗ!

 Құрметті азаматтар!

Соңғы уақытта интернет-алаяқтық фактілері жиілеп отыр. Қаскөйлер түрлі айла-тәсілдер арқылы азаматтардың жеке деректерін және қаржысын иемденуге тырысуда.

Осыған байланысты келесі қауіпсіздік шараларын сақтауды сұраймыз:

Банк картасының нөмірін, CVV кодын, SMS-кодтарды және жеке құпиясөздерді ешкімге жария етпеңіз;

Белгісіз нөмірлерден келген қоңыраулар мен хабарламаларға сенбеңіз;

Күмәнді сілтемелерге өтпеңіз және белгісіз қосымшаларды жүктемеңіз;

Интернет арқылы тауар сатып аларда тек сенімді сайттарды пайдаланыңыз;

“Банк қызметкерімін” немесе “полицияданмын” деген адамдарға жеке деректеріңізді бермеңіз;

Кез келген күмәнді жағдай туындаса, дереу құқық қорғау органдарына хабарласыңыз.

Есіңізде болсын: алаяқтар көбіне асықтырып, қорқытып немесе қызықты ұсыныстар арқылы әрекет етеді. Сабыр сақтап, ақпаратты тексеріңіз.

Өзіңізді және жақындарыңызды қорғаңыз!