XX ғасырдағы қазақ кәсіби музыкасының негізін қалаушы Ахмет Жұбановтың 120 жылдығына арналған халықаралық ғылыми-практикалық конференция өтті

Іс-шара «Мәңгілік ел» конференц залында ұйымдастырылып, оған отандық және шетелдік ғалымдар, музыкатанушылар мен өнер қайраткерлері қатысты.

Конференция барысында қатысушылар Ахмет Жұбановтың ғылыми мұрасы мен қазақ музыка өнерінің дамуына қосқан үлесін жан-жақты талқылады. Сонымен қатар, этномузыкология, музыкалық білім беру және «Абай» операсының көркемдік ерекшеліктері тақырыбында бірқатар мазмұнды баяндамалар ұсынылды.

Жиын соңында қатысушылар арасында пікір алмасу өтіп, конференция қорытындыланып, марапаттау рәсімімен аяқталды.

Ақпарат көзі : https://www.gov.kz/memleket/entities/aktobe-arhiv/press/news/details/1214802?lang=kk