🔰 ДЕПАРТАМЕНТ: «ТҮРКІСТАН ҚАЛАЛЫҚ ЕМХАНАСЫ» ШЖҚ МКК-НА ЖОСПАРДАН ТЫС ТЕКСЕРУ ЖҮРГІЗІЛДІ

Үстіміздегі жылдың 6 мамыр күні Департаментпен бекітілген тексеру тағайындау актісіне сәйкес Департаменттің мемлекеттік еңбек инспекторы Сихымбай Дінмұхамед Иглікұлы Түркістан облысының денсаулық сақтау басқармасына қарасты “Түркістан қалалық емханасы” ШЖҚ МКК-на жоспардан тыс тексеру жүргізді.

 

Тексеру нәтижесінде анықталған мәселелер бойынша Дінмұхамед Иглікұлы “Түркістан қалалық емханасы” ШЖҚ МКК-ның еңбек ұжымымен кездесу ұйымдастырып:

– қызметкерлердің еңбек құқықтарының сақталуы;

– еңбек қауіпсіздігі және еңбекті қорғау талаптарының орындалуы бойынша жазатайым оқиғалардан міндетті сақтандыру шарттарының (ОСНС) маңыздылығы;

– мекемеде бекітілген ұжымдық шарттарды цифрландыруды қамтамасыз ету;

– еңбек шарттарын есепке алудың бірыңғай жүйесінде (ЕШЕАБЖ) еңбек шарттарын электронды рәсімдеу тәртібі мәселелері бойынша түсіндірме жұмыстарын жүргізді.