🔰 БӘЙДІБЕК: «№1 БАЛАЛАР МЕН ЖАСӨСПІРІМДЕР СПОРТ МЕКТЕБІ» КММ-ДЕ ОРЫН АЛҒАН ТОПТЫҚ ЖАЗАТАЙЫМ ОҚИҒАҒА БАЙЛАНЫСТЫ АРНАЙЫ ТЕРГЕП-ТЕКСЕРУ ЖҮРГІЗІЛДІ

Бүгін Департаменттің “Арнайы тергеп-тексеру комиссиясын құру туралы” бұйрығына сәйкес Департаменттің мемлекеттік еңбек инспекторы Сихымбай Дінмұхамед Иглікұлы Бәйдібек ауданы, Шаян ауылында орналасқан «№1 балалар мен жасөспірімдер спорт мектебі» КММ-де орын алған топтық жазатайым оқиғаға байланысты арнайы тергеп-тексеру жүргізді.

 

Арнайы тексеру комиссиясы жазатайым оқиға орын алған жерге арнайы барып, мән-жайларын жан-жақты зерделеп, тексеру барысында қызметкердің еңбек міндеттерін орындау жағдайы, еңбек қауіпсіздігі және еңбекті қорғау талаптарының сақталуы, сондай-ақ қауіпсіздік техникасы бойынша нұсқамалардың жүргізілуі қарастырылды.

 

Сонымен қатар, Департаменттің мемлекеттік еңбек инспекторы Дінмұхамед Иглікұлы Серіктестіктің еңбек ұжымымен кездесу ұйымдастырып, еңбек қауіпсіздігі мен еңбекті қорғау заңдылықтарына қатысты түсіндірме жұмыстарын жүргізді.