Жетісу облысы Полиция департаменті Қоғамдық қауіпсіздік басқармасының қызметкерлері Көксу ауданына барып, құқық бұзушылықтардың алдын алу мен қоғамдық тәртіпті нығайтуға бағытталған рейдтік және профилактикалық іс-шаралар өткізді.
Полицейлер алкогольдің зиянының алдын алу мәселесіне ерекше назар аударды. Іс-шара барысында спирттік ішімдіктерді шамадан тыс тұтынатын және қоғамға жат өмір салтын ұстанатын азаматтардың мекенжайлары тексерілді. Олармен профилактикалық әңгімелер жүргізіліп, алкогольді асыра пайдаланудың салдары, сондай-ақ құқық бұзушылық жасаған жағдайда көзделген жауапкершілік түсіндірілді.
Ұлы қазақ ақыны Абай Құнанбайұлы:
«Адам баласы адам баласынан ақыл, ғылым, ар, мінез деген нәрселермен озады», — деген болатын. Сондықтан профилактикалық жұмыс пен халықпен тікелей байланыс орнату полиция қызметінің маңызды бағыттарының бірі болып қала береді.
Бұл бағыттағы жұмыстар алдағы уақытта да жалғасып, полиция қызметкерлерінің ерекше бақылауында болады.
Ақпарат көзі : https://www.gov.kz/memleket/entities/mvd-zhetysu/press/news/details/1221434?lang=kk
Жауап қалдыру Жауапты болдырмау