2026 жылғы 15 мамырда білім беру ұйымдарының басшыларымен жұмыс кеңесі өтті. Кеңес барысында 2025–2026 оқу жылын сапалы аяқтау, оның қорытындыларын шығару, сондай-ақ мемлекеттік емтихандар мен «Соңғы қоңырау» іс-шараларын белгіленген талаптарға сәйкес өткізу мәселелері қарастырылды.
Сонымен қатар, оқушылардың жазғы демалысын тиімді ұйымдастыру, сауықтыру алаңдарының жұмысын жүргізу, балалардың мазмұнды бос уақытын қамтамасыз ету, сондай-ақ жазғы кезеңде тәрбиелік және спорттық іс-шараларды жүйелі түрде өткізу бойынша нақты тапсырмалар берілді.
Жазғы демалыс кезіндегі балалардың қауіпсіздігі мәселелеріне ерекше назар аударылды: судағы қауіпсіздік, жол-көлік оқиғаларының алдын алу, өрт қауіпсіздігі, интернет қауіпсіздігі бойынша түсіндіру жұмыстарын күшейту, балаларды қараусыз қалдырмау және құқық бұзушылықтардың алдын алу тапсырылды.
Жазғы кезеңдегі барлық іс-шараларды ұйымдастыру мен өткізуге жауапкершілікпен қарау барлық басшыларға тапсырылды.
Ақпарат көзі : https://www.gov.kz/memleket/entities/zhelezin-bilim/press/news/details/1223788?lang=ru
Жауап қалдыру Жауапты болдырмау