Павлодар қаласының тұрғынының есірткі құрамды өсімдіктерді заңсыз өсіру фактісінің жолы кесілді. Бұл деректі есірткі қылмысына қарсы іс-қимыл басқармасының қызметкерлері анықтады.
Ер адамның тұрғылықты жерінде жүргізілген тінту барысында өсіруге тыйым салынған өсімдіктер табылып, тәркіленді. Оның айтуынша, ол каннабис тұқымдарын сатып алып, кейін өсіру мақсатында өз үйіне отырғызған. Осылайша, пәтерінде қарасораның шағын плантациясын ұйымдастырған.
— Есірткі заттары бар, өсіруге тыйым салынған өсімдіктерді заңсыз өсіру фактісі бойынша қылмыстық іс қозғалды. Қазіргі уақытта қажетті тергеу әрекеттері жүргізілуде. Тергеу мүддесіне байланысты өзге ақпарат жария етілмейді, — деп хабарлайды Павлодар облысының ПД.
Еске саламыз: интернеттегі оңай табыс — түбі темір торға апаратын тұзақ! Ғаламторда сізге қауіпсіздікке кепілдік береді, алайда ұйымдастырушылар ешқашан өздерін қатерге тікпейді — олар сізді құрбан етеді. Бүгін үнемделген бірнеше мың теңге ертең колонияда өткізілетін жылдарға айналуы мүмкін. Кезекті «закладканы» көтеріп немесе жасырар алдында ата-анаңызды және болашағыңызды ойлаңыз.
Ақпарат көзі : https://www.gov.kz/memleket/entities/mvd-pavlodar/press/news/details/1227791?lang=ru
Жауап қалдыру Жауапты болдырмау