Жазғы демалыс қарсаңында, балалардың қауіпсіз мінез-құлық дағдыларын қалыптастыру және төтенше жағдайлардың алдын алу мақсатында Қостанай облысы ТЖД қызметкерлері Қостанай қаласы білім бөлімінің «Физика-математика лицейі» КММ оқушылары үшін кешенді оқыту іс-шарасын ұйымдастырып, өткізді.
Іс-шараға Қостанай облысы ТЖД Төтенше жағдайларды жою басқармасының, Мемлекеттік өрт бақылау басқармасының, Жедел-құтқару жасағының, Қостанай қаласы ТЖ басқармасының мамандары, сондай-ақ Қостанай облысы бойынша «Апаттар медицинасы орталығы» РММ қызметкерлері қатысты.
Сабақ барысында оқушыларға өрт қауіпсіздігінің негізгі талаптары,жазғы кезеңдегі су айдындарындағы қауіпсіздік ережелері, сондай-ақ төтенше жағдайлар кезінде алғашқы медициналық көмек көрсету тәртібі түсіндірілді.
Алдын алу сабақтары, түсіндіру әңгімелері және практикалық көрсетілімдер өткізіліп, жасөспірімдер арасында қауіпсіздік мәдениетін арттыруға бағытталды.
Мұндай іс-шаралар жас ұрпақтың өз қауіпсіздігіне жауапкершілікпен қарауын қалыптастырып, төтенше жағдайлардың алдын алуға ықпал етеді.
Ақпарат көзі : https://www.gov.kz/memleket/entities/emer-kostanay/press/news/details/1228997?lang=ru
Жауап қалдыру Жауапты болдырмау