Соңғы қоңырау — әрбір оқушының өміріндегі ең әсерлі әрі маңызды мерекелердің бірі. Бұл мереке маңызды кезеңнің аяқталып, үлкен өмірге қадам басуды білдіреді.
К. Шайменов атындағы Шахтер жалпы білім беретін мектебінде 2025–2026 оқу жылының «Соңғы қоңырауына» арналған салтанатты жиын өтті.
Салтанатты шара барысында ата-аналар ұстаздарға балаларға көп жылдар бойы берген білімі мен қолдауы үшін алғыстарын білдірді. Мұғалімдер мен сынып жетекшілері түлектер туралы жылы естеліктерімен бөлісіп, емтихандарды сәтті тапсыруларына тілектестік білдірді.
Түлектер мектеп вальсін билеп, өлеңдер оқып, ұстаздарына гүл шоқтарын сыйлады. Оқу кабинеттерінде «Білімім — Отаныма!» тақырыбында бірыңғай сынып сағаты өткізілді.
Салтанатты іс-шараға ауыл әкімі, білім бөлімінің өкілдері, ата-аналар және мектептің педагогикалық ұжымы қатысты. Қонақтар өз сөздерінде түлектерді оқу жылының аяқталуымен құттықтап, болашақта жоғары оқу орындарына сәтті түсулеріне тілектестік білдірді. Сонымен қатар жас ұрпақты тәрбиелеудегі ұстаздар мен ата-аналардың еңбегіне алғыс айтты.
Ақпарат көзі : https://www.gov.kz/memleket/entities/karaganda-nurinsk-shahter/press/news/details/1229328?lang=ru
Жауап қалдыру Жауапты болдырмау