🔰Семейде дәмханадағы ұялы телефон ұрлығы ашылды.

Семей қаласының полициясына 47 жастағы жергілікті тұрғын ұрлық фактісі бойынша арызбен жүгінген. Жәбірленушінің айтуынша, 2026 жылғы 1 мамырда белгісіз ер адам қаладағы дәмханалардың бірінде еркін қолжетімділікті пайдаланып, үстелде тұрған Samsung Galaxy A31 маркалы ұялы телефонды жасырын түрде ұрлап кеткен. Келтірілген материалдық шығын көлемі 98 000 теңгені құрады.

Жедел-іздестіру іс-шаралары барысында полиция қызметкерлері күдіктіні анықтап, жеткізді — ол 44 жастағы қала тұрғыны. Ол өз кінәсін мойындаған. Ұрланған ұялы телефон тәркіленді.

Оқиға орнынан саусақ іздері мен бейнебақылау камераларындағы жазбалар алынған. Аталған дерек бойынша «Ұрлық» бабымен сотқа дейінгі тергеу басталды. Күдіктіге келу міндеттемесі түріндегі процессуалдық мәжбүрлеу шарасы қолданылды.

Полиция азаматтарға қоғамдық орындарда жеке заттарын мұқият қадағалап, ұялы телефондарын, сөмкелерін және басқа да құнды заттарын қараусыз қалдырмауға кеңес береді. Ұрлық жасалған жағдайда дереу полицияға жүгіну қажет екенін ескертеді.

ҚР ҚПК 201-бабына сәйкес тергеу мүддесіне байланысты өзге ақпарат жария етуге жатпайды.

Ақпарат көзі : https://www.gov.kz/memleket/entities/mvd-abay/press/news/details/1244533?lang=ru