Болашақ тәртіп сақшылары полицияның жұмысымен танысты: Көкпектіде «Ашық есік күні» өтті

Көкпекті аудандық полиция бөлімінде оқушылар үшін танымдық әрі тағылымды «Ашық есік күні» ұйымдастырылды. Іс-шара барысында жасөспірімдер полиция қызметінің күнделікті жұмысымен танысып, құқық қорғау органдарының қызметі туралы жан-жақты ақпарат алды.

 Балаларға қоғамдық тәртіпті қамтамасыз ету, азаматтардың қауіпсіздігін қорғау және құқық бұзушылықтардың алдын алу бағытындағы жұмыстар көрсетілді. Полицейлер заңды құрметтеудің маңызы мен қауіпсіз мінез-құлық қағидалары жөнінде түсіндіру жұмыстарын жүргізді.

 Іс-шараның ерекше бөлігі полиция қызметкерлерімен еркін форматтағы кездесу болды. Жас қонақтар өздерін қызықтырған сұрақтарын қойып, мамандардан толық жауап алды.

 Көптеген оқушылар полиция мамандығына қызығушылық танытып, бұл қызметтің жауапкершілігі мен қоғам үшін маңызын жақыннан сезінді.

 Мұндай кездесулер жастардың құқықтық сауаттылығын арттырып, заңға құрмет пен азаматтық жауапкершілікті қалыптастыруға ықпал етеді.

Ақпарат көзі : https://www.gov.kz/memleket/entities/mvd-abay/press/news/details/1244532?lang=ru