2026 жылғы 22 маусымда Астанада «Ядролық және радиациялық қауіпсіздік саласындағы реттеуші орган үшін кадрлық ресурстарды жоспарлау» тақырыбындағы Атом энергиясы жөніндегі халықаралық агенттіктің (АЭХА) ұлттық семинары басталды. Іс-шара АЭХА-ның Техникалық ынтымақтастық бағдарламасы аясында іске асырылып жатқан KAZ2011 «Ядролық-энергетикалық бағдарламаның инфрақұрылымын дамытуды қолдау (2-кезең)» ұлттық жобасы шеңберінде өткізілуде.
Ұлттық семинар 2026 жылғы 22–25 маусым аралығында өтеді. Семинар жұмысына Қазақстан Республикасы Атом энергиясы жөніндегі агенттігінің, Атомдық қадағалау және бақылау комитетінің, Ұлттық ядролық орталықтың, Ядролық технологиялар қауіпсіздігінің ғылыми-техникалық орталығының, Атом өнеркәсібін дамыту қауымдастығының өкілдері, сондай-ақ АЭХА-ның халықаралық сарапшылары қатысуда.
Семинардың мақсаты – реттеуші органның кадрлық әлеуетін дамыту, персоналдың құзыреттерін басқару жүйесін жетілдіру және ядролық әрі радиациялық қауіпсіздік саласындағы ұлттық инфрақұрылымды нығайту.
Іс-шара барысында реттеуші органдардың кадрлық әлеуетін қалыптастыру жөніндегі халықаралық тәжірибе, персоналдың құзыреттерін дамытуға қатысты АЭХА ұсынымдары, сондай-ақ мамандардың құзыреттерге қажеттілігін бағалауға арналған SARCoN әдіснамасы қарастырылады.
Семинардың практикалық бөлігінде лицензиялау, сараптама жүргізу, қауіпсіздікті бағалау және инспекциялық қызметті жүзеге асыратын мамандардың құзыреттер бейіндерін әзірлеу, сондай-ақ оларды даярлау қажеттіліктерін талдау жұмыстары жүргізіледі.
Семинар қорытындысы бойынша АЭХА-ның халықаралық стандарттары мен ұсынымдарына сәйкес реттеуші органның адами ресурстар мен персонал құзыреттерін басқару жүйесін одан әрі жетілдіру жөнінде ұсынымдар әзірленеді.
Ақпарат көзі : https://www.gov.kz/memleket/entities/atomic-control/press/news/details/1245497?lang=ru
Жауап қалдыру Жауапты болдырмау