Абай облысы Полиция департаментінің Есірткіге қарсы іс-қимыл басқармасы қоғамда салауатты өмір салтын нығайту, есірткі қылмысының алдын алу және жастар арасында зиянды әдеттерге қарсы тұрақты иммунитет қалыптастыру мақсатында «Есірткісіз қала – есірткіге жол жоқ» атты кең ауқымды концерттік іс-шара ұйымдастырды.
Шара қала тұрғындары мен қонақтары жиі жиналатын Арбатта өтті. Ашық қоғамдық кеңістікте ұйымдастырылған бұл бастама бір реттік акция емес, қоғамға бағытталған жүйелі алдын алу жұмысының нақты көрінісі болды. Іс-шараға шамамен 1500-ге жуық тұрғын қатысып, бағдарламаны белсенді түрде тамашалады.
Сахнада патриоттық рухты көтеретін, жастарды дұрыс таңдау жасауға үндейтін музыкалық нөмірлер орындалды. Әрбір қойылым есірткіге қарсы күрестің тек құқық қорғау органдарының міндеті ғана емес, бүкіл қоғамның ортақ жауапкершілігі екенін айқын көрсетті. Көрермендер тарапынан жоғары қызығушылық пен қолдау байқалды.
Сонымен қатар, іс-шара аясында жастарға арналған спорттық ойындар да ұйымдастырылды. Мұнда түрлі командалық және жеке спорттық ойындар, эстафеталар өткізілді. Қатысушылар белсенділік танытып, дені сау өмір салтының нақты үлгісін көрсетті. Бұл бөлім жастарды бос уақытын тиімді өткізуге, спортқа бет бұруға және зиянды әдеттерден алшақ болуға бағытталды.
Іс-шара барысында Абай облысы Полиция департаментінің қызметкерлері тұрғындармен тікелей байланыс орнатып, есірткінің адам денсаулығына, отбасыға және қоғамға тигізетін ауыр зардаптары туралы түсіндірме жұмыстарын жүргізді. Сонымен қатар, есірткі құқық бұзушылықтарының құқықтық салдары нақты әрі түсінікті түрде жеткізілді. Қатысушыларға ақпараттық материалдар таратылып, профилактикалық кеңестер берілді.
Аталған шараның басты мәні – қоғамның назарын бір арнаға тоғыстыру, есірткіге қарсы қоғамдық иммунитетті күшейту және жас ұрпақтың саналы таңдау жасауына ықпал ету. Арбатта өткен бұл кеш тек мәдени-ойын-сауықтық формат қана емес, әлеуметтік маңызы жоғары, нақты нәтижеге бағытталған профилактикалық платформаға айналды.
Ақпарат көзі : https://www.gov.kz/memleket/entities/mvd-abay/press/news/details/1249696?lang=ru
Жауап қалдыру Жауапты болдырмау