Қостанайда 2,5 миллион теңге көлеміндегі интернет-алаяқтықтың жолы кесілді
Қостанай қаласында полиция қызметкерлері мен «Қазақстан Халық Банкі» АҚ қызметкерлерінің бірлескен әрекетінің нәтижесінде зейнеткерді 2,5 миллион теңге шығынға ұшыратпауға мүмкіндік туды.
2026 жылғы 2 шілдеде Hi-Tech жедел-профилактикалық іс-шарасы барысында банк қызметкерлері Қостанай қаласы Полиция басқармасына ірі көлемдегі ақшаны шетелдік шотқа аудармақ болған клиент туралы хабарлаған. Оқиға орнына киберқылмысқа қарсы іс-қимыл бөлімінің қызметкерлері келіп, әйелдің алаяқтардың нұсқауымен әрекет етіп жатқанын анықтады.
Алаяқтардың айтуымен ол депозитінен 2 500 000 теңге шешіп алып, оны АҚШ долларына айырбастаған және ақшаны Түркиядағы банк шотына аудармақ болған. Қаскөйлер оған WhatsApp арқылы хабарласып, өздерін бұрынғы басшысы ретінде таныстырып, алдау жолымен ақшаны аударуға көндірген.
Банк қызметкерлерінің қырағылығы мен полицияның жедел әрекетінің арқасында ақша аударымының дер кезінде жолы кесіліп, азаматшаның қаражаты сақталып қалды.
Полиция ескертеді: ешқашан ақшаны «қауіпсіз шоттарға» аудармаңыз. Осындай қоңыраулар немесе хабарламалар келіп түссе, әңгімені бірден тоқтатып, банкке немесе полицияға хабарласыңыз.
Ақпарат көзі : https://www.gov.kz/memleket/entities/mvd-kostanay/press/news/details/1255845?lang=ru
Жауап қалдыру Жауапты болдырмау