2026 жылғы 10 шілдеде Халықты әлеуметтік қорғау саласындағы реттеу және бақылау комитетінің Алматы облысы бойынша департаменті басшысының орынбасары Г. Ботабекованың төрағалығымен департаменттің №1, №2 және №3 медициналық-әлеуметтік сараптама бөлімдерінің мамандарының қатысуымен семинар өткізілді.

Семинар барысында келесі мәселелер қаралды:

* 2026 жылдың алғашқы алты айындағы жұмыстың қорытындылары;
* медициналық-әлеуметтік сараптамаға жолданған негізсіз және сапасыз рәсімделген жолдамаларға жүргізілген талдау, жолдамаларды рәсімдеу сапасын арттыру және қолданыстағы нормативтік құқықтық актілердің талаптарын сақтау мәселелері;
* сыбайлас жемқорлыққа қарсы іс-қимыл және оның алдын алу шаралары.

Семинар қорытындысы бойынша қатысушыларға мемлекеттік қызмет көрсету сапасын арттыру, жолдамаларды рәсімдеу кезінде қолданыстағы заңнама талаптарын қатаң сақтау және сыбайлас жемқорлыққа қарсы заңнаманың талаптарын мүлтіксіз орындау бойынша тиісті тапсырмалар мен ұсынымдар берілді.

Ақпарат көзі : https://www.gov.kz/memleket/entities/enbek-konaev/press/news/details/1258729?lang=ru