Абай облысында цифрлық инфрақұрылымды дамытуға, жасанды интеллект технологияларын енгізуге және халықтың өмір сүру сапасын арттыруға бағытталған ауқымды жобалар жүзеге асырылып жатыр.
Негізгі бағыттардың бірі – цифрлық білім беру. Семей қаласындағы Оқушылар сарайында Tomorrow School жобасы іске асырылуда. Сонымен қатар, 12–18 жас аралығындағы жасөспірімдерге арналған халықаралық TUMO білім беру орталығын ашу жұмыстары жүргізілуде. Мұнда оқушылар жасанды интеллект, бағдарламалау, анимация, графикалық дизайн, 3D-модельдеу, робототехника және басқа да заманауи цифрлық бағыттарды тегін меңгере алады.
Сонымен қатар, өңірде байланыс инфрақұрылымы да қарқынды дамып келеді. «Қазақтелеком» АҚ-мен жасалған инвестициялық келісім аясында ауылдық елді мекендерді сапалы интернетпен қамтамасыз ететін талшықты-оптикалық байланыс желілері салынуда. Жыл соңына дейін жаңа желіге 86 ауылды қосу жоспарланып отыр.
«Қолжетімді интернет» ұлттық жобасын іске асыру жалғасуда. Республикалық маңызы бар автомобиль жолдарының бойында құрылыс жұмыстары жүргізілуде.
Ақпарат көзі : https://www.gov.kz/memleket/entities/abay-digital/press/news/details/1258110?lang=ru
Жауап қалдыру Жауапты болдырмау