2026 жылғы 16 шілдеде Қостанай облысының барлық қалалары мен аудандарында облыс прокуратурасының бастамасымен полиция, қылмыстық-атқару жүйесі, әділет органдарымен, сондай-ақ әкімдіктердің жұмыспен қамтуды үйлестіру және әлеуметтік бағдарламалар басқармаларымен бірлесіп жұмыс берушілер мен бизнес қоғамдастық өкілдерінің қатысуымен “ ЖұмысTime “: осында және қазір жұмысқа орналастыру” құқық қорғау органдарында профилактикалық есепте тұрған адамдар үшін кең ауқымды акциясы өткізілді.
Іс-шараға 60 жұмыс беруші кәсіпорын, 10 оқу орталығы және үкіметтік емес ұйымдардың өкілдері белсенді қатысты.
Акцияның жалпы қамтылуы 600-ден астам адамды құрады. Оның қорытындысы бойынша 90-нан астам азамат жұмысқа орналасуға жолдама алды, қалған қатысушылар-жұмыспен қамту, кәсіптік оқыту және мемлекеттік қолдау шараларын алу мәселелері бойынша кеңес алды.
Жұмысқа орналастыру, кәсіптік оқыту, тұрғын үймен қамтамасыз ету, әлеуметтік қолдау, сондай-ақ “Қазақстан Республикасының жаңа Конституциясының қабылдануына байланысты рақымшылық жасау туралы”Қазақстан Республикасының Заңын қолдану мәселелері барынша сұранысқа ие болды.
Сотталғандарды, сондай-ақ құқық қорғау органдарында профилактикалық есепте тұрған адамдарды қайта әлеуметтендіру жөніндегі жұмыс Қостанай облысы прокуратурасының тұрақты бақылауында.
Қостанай облысының прокуратурасы
Ақпарат көзі : https://www.gov.kz/memleket/entities/prokuratura-kostanay/press/news/details/1260021?lang=ru
Жауап қалдыру Жауапты болдырмау