Павлодар облысының Өңірлік коммуникациялар қызметінде «Павлодар облысы бойынша Экономикалық тергеп-тексеру департаментінің 2026 жылдың бірінші жартыжылдығындағы қызметінің қорытындысы» тақырыбында баспасөз конференциясы өтті.
Іс-шараға Павлодар облысы бойынша Экономикалық тергеп-тексеру департаменті басшысының орынбасары Г.Н. Касымов және 1-ші Жедел басқармасының басшысы Ж.Т. Киналбеков қатысты.
Баспасөз мәслихаты барысында спикерлер есепті кезеңдегі департамент жұмысының негізгі нәтижелері туралы егжей-тегжейлі айтып, қызметтің әрбір басым бағытына жеке тоқталды. Бұқаралық ақпарат құралдарының өкілдеріне қаржы пирамидаларына қарсы іс-қимыл, вейптердің заңсыз айналымының жолын кесу, бюджет қаражатын ұрлау фактілерін анықтау және тергеу, әлеуметтік шиеленістің алдын алу, сондай-ақ өңірдің экономикалық қауіпсіздігін қамтамасыз ету жөніндегі шаралар туралы ақпарат жеткізілді.
Қаржылық құқық бұзушылықтардың алдын алу және халықтың қаржылық сауаттылығын арттыру мәселелеріне ерекше назар аударылды. Спикерлер интернет-алаяқтықтың, қаржы пирамидаларына тартудың, дропперсияның және басқа да қаржылық тәуекелдердің алдын алуға бағытталған азаматтардың әртүрлі санаттары арасында жүргізіліп жатқан түсіндіру жұмыстары туралы айтып берді.
Баспасөз мәслихатының соңында Департамент өкілдері журналистердің сұрақтарына жауап беріп, азаматтардың құқықтарын қорғау, экономикалық саладағы заңдылықты қамтамасыз ету және «Заң және тәртіп» қағидаттарын іске асыру жұмыстары жүйелі негізде жалғастырылатынын атап өтті.
Ақпарат көзі : https://www.gov.kz/memleket/entities/afm-pavlodar/press/news/details/1260814?lang=ru
Жауап қалдыру Жауапты болдырмау