Отырар ауданында «Таза Қазақстан» бағдарламасы мен «Заң және тәртіп» қағидатын іске асыру аясында мобильді топ құрылды. Мобильді топтың қатысуымен саябақтарда, скверлерде, жағалау аймақтарында, демалыс орындарында, сондай-ақ халық көп шоғырланатын қоғамдық орындарда рейдтік іс-шаралар ұйымдастырылды. Аралау барысында, тазалық қағидаларын бұзудың 8 фактісі анықталды.
Атап айтқанда, рейдтік іс-шара барысында қоғамдық орында, демалыс аумақтарында, саябақтарда, базар аумақтарында Қазақстан Республикасы Әкімшілік құқық бұзушылық туралы кодексінің 434-2-бабы 1 бөлігімен 4 құқық бұзушылықтар анықталып, заңды шара көру мақсатында жинақталған іс-құжаттар Отырар аудандық сотына жолданды. Ал, 505-бабы 1 бөлігімен 4 құқықбұзушылықтар анықталып, 1 тұлғаға хаттама толтырылып, 42250 мың теңге көлемінде әкімшілік айыппұл салынса, 3 тұлғаға ескерту шарасы көрілді.
Аталған бағыттағы рейдтік және профилактикалық жұмыстар тұрақты түрде жалғастырылып, тұрғындарға қоғамдық орындарда тазалықты сақтау, құқық бұзушылықтарға жол бермеу және қоғамдық тәртіпті сақтау жөнінде түсіндіру жұмыстары жүргізілуде.
Ақпарат көзі : https://www.gov.kz/memleket/entities/turkestan-otyrar-audany/press/news/details/1260169?lang=kk
Жауап қалдыру Жауапты болдырмау