Қостанай-Әулиекөл-Сурган автожолында патрульдік полиция батальонының қызметкерлері авткөліктің бұзылуына байланысты бес сағаттан астам уақыт жолда тұрып қалған “Газель” жүк көлігінің жүргізушісіне көмектесті.
Оқиға 2026 жылдың 14 шілдесінде сағат 20:30 шамасында автожолдың 255-ші шақырымында болды. Патрульдеу кезінде Ақмола облысы ПД патрульдік полиция батальонының 4-ші взвод қызметінің инспекторлары полиция аға лейтенанты Игорь Калинкин мен оның серіктесі Астана қаласы бағытында құрама жүктерді тасымалдайтын “Газель” автокөлігін көрді.
Жүргізушінің айтуынша, мәжбүрлі тоқтаудың себебі артқы доңғалақтың істен шығуы болған. Ол бұзылуды өзі жөндей алмағандықтан жолда бес сағаттан астам уақыт көмек күтіп қалған.
Полицейлер дереу көмекке келді. Бірлескен күш-жігермен олар дөңгелекті шамамен үш сағат жөндеп, одан кейін жүргізуші жолды қауіпсіз жалғастырды.
Жүргізуші алғысын бейнеөтініш түрінде жазып, оны Ақмола облысы полиция департаментінің Instagram-дағы ресми парақшасына жолдады, қызметкерлерге жауаптылығы, кәсібилігі және жанашырлығы үшін алғысын білдірді.
Полицейлердің айтуынша, азаматтардан келіп түскен алғыс хаттар олардың жұмысын бағалап, қиын жағдайға тап болған адамдарға күнделікті көмектесуге қосымша мотивация ретінде қызмет етеді.
Мұндай мысалдар патрульдік полицейлердің басты міндеті жол қауіпсіздігін қамтамасыз ету ғана емес, сонымен қатар жолда қиын жағдайға тап болғандарға уақтылы көмекке келу екенін тағы да растайды.
Ақпарат көзі : https://www.gov.kz/memleket/entities/mvd-akmola/press/news/details/1261938?lang=ru
Жауап қалдыру Жауапты болдырмау