Криминогендік жағдайды талдау нәтижесінде жеке адамға қарсы жасалатын әрбір үшінші қылмыстың алкогольдік масаң күйде жасалатыны анықталды. Осыған байланысты профилактикалық және бақылау іс-шаралары күшейтілді.
Алматы облысының прокуратурасы полиция және мемлекеттік кірістер органдарымен бірлесіп алкоголь өнімдерін заңсыз өткізудің жолын кесу бағытындағы жүйелі жұмыстарды жалғастыруда.
Тек екі демалыс күні – 10 және 11 шілдеде облыс прокуратурасының бастамасымен ұйымдастырылған рейдтік іс-шаралар барысында:
– алкоголь өнімдерін өткізу кезінде заңнама талаптарын бұзудың 7 фактісі анықталды;
– Қонаев қаласының жағалау аймағындағы демалыс орындарында алкоголь өнімдерін заңсыз өткізудің 3 фактісінің жолы кесіліп, кінәлі тұлғалар әкімшілік жауаптылыққа тартылды;
– заңсыз айналымнан 1100-ден астам алкоголь өнімі тәркіленді;
– қоғамдық орындарда алкогольдік ішімдіктерді ішудің 51 фактісі анықталды;
– көлік құралдарын алкогольдік масаң күйде басқарудың 6 фактісінің жолы кесілді;
– алкоголь өнімдерін өткізуге берілген лицензиядан 3 сауда нысаны айырылды.
Жыл басынан бастап 60 рейдтік іс-шара өткізілді. Оның қорытындысы бойынша 240 сауда нысаны әкімшілік жауаптылыққа тартылып, оның ішінде 14-і алкоголь өнімдерін сату лицензиясынан айырылды.
Облыс прокуратурасы алкоголь өнімдерін заңсыз сату әкімшілік жауаптылыққа әкеп соғатынын еске салады. Атап айтқанда, бұл елеулі мөлшерде айыппұл салуға, алкоголь өнімдерін тәркілеуге, сондай-ақ лицензиядан айыруға негіз болады.
Ақпарат көзі : https://www.gov.kz/memleket/entities/prokuratura-almaty-obl/press/news/details/1263343?lang=ru
Жауап қалдыру Жауапты болдырмау