24 шілде күні Сарыкөл ауданы әкімдігінің ғимаратында «Заң мен Тәртіп – Қауіпсіз Қазақстан үшін!» қағидатын іске асыру аясында мүмкіндігі шектеулі жандарға арналған «Мүмкіндік» облыстық әлеуметтік-құқықтық акциясы өтті. Іс-шараның мақсаты – мүгедектігі бар адамдарға құқықтық және консультациялық көмек көрсету, сондай-ақ оларды мемлекеттік қолдау шаралары туралы ақпараттандыру болды.
Акция барысында қатысушылар әлеуметтік қорғау, денсаулық сақтау, жұмыспен қамту, зейнетақымен қамсыздандыру, мемлекеттік қызметтерді алу және өзге де өзекті мәселелер бойынша мемлекеттік органдардың мамандарынан кеңестер алды. Барлық жүгінген азаматтарға қолданыстағы заңнамаға сәйкес қажетті түсіндірмелер мен ұсынымдар берілді.
Іс-шара аясында мүгедектігі бар адамдарға арналған бос жұмыс орындарының жәрмеңкесі ұйымдастырылды. Жәрмеңке барысында жұмыс берушілер қолда бар бос жұмыс орындарын ұсынып, еңбекке орналастыру шарттары мен кәсіби даму мүмкіндіктері туралы ақпарат берді. Қатысушылар жұмыспен қамту мәселелері бойынша кеңес алып, еңбек нарығындағы өзекті ұсыныстармен танысты.
Ақпарат көзі : https://www.gov.kz/memleket/entities/kostanai-sarykol-audany-akimat/press/news/details/1263342?lang=ru
Жауап қалдыру Жауапты болдырмау