«Таза Қазақстан» акциясы аясында ерекше қорғалатын табиғи аумақтарда сенбілік ұйымдастырылды

«Таза Қазақстан» акциясы аясында ерекше қорғалатын табиғи аумақтарда сенбілік ұйымдастырылды

«Таза Қазақстан» республикалық экологиялық акциясы аясында Маңғыстау облысының ерекше қорғалатын табиғи аумақтарында санитарлық тазалық пен абаттандыру бағытындағы ауқымды сенбілік жұмыстары ұйымдастырылды.

Іс-шараның негізгі мақсаты – табиғи аумақтардың тазалығын сақтау, қоршаған ортаны қорғау мәдениетін қалыптастыру және өңірдің бірегей табиғи мұрасын келешек ұрпаққа таза күйінде жеткізу.

Сенбілік барысында қатысушылар ерекше қорғалатын табиғи аумақтардың аумағын тұрмыстық қалдықтардан тазалап, демалыс орындарын ретке келтіріп, санитарлық жағдайын жақсарту жұмыстарын жүргізді. Сонымен қатар, аумаққа келушілерге табиғатты аялау, қалдықтарды белгіленген орындарға тастау және қоршаған ортаны қорғау қағидаларын сақтау жөнінде түсіндіру жұмыстары жүргізілді.

Аталған экологиялық шараға мемлекеттік органдардың қызметкерлері, ерекше қорғалатын табиғи аумақтардың мамандары, еріктілер мен белсенді тұрғындар қатысты.

Маңғыстау облысында «Таза Қазақстан» акциясы аясындағы экологиялық іс-шаралар тұрақты түрде ұйымдастырылып келеді. Бұл жұмыстар өңірдің экологиялық жағдайын жақсартуға, табиғи экожүйелерді сақтауға және тұрғындардың экологиялық мәдениетін арттыруға бағытталған.

#ТазаҚазақстан #ТазаОрта #Чистаяземля

Ақпарат көзі : https://www.gov.kz/memleket/entities/mangystau-uvp/press/news/details/1264107?lang=ru