Ағымдағы жылдың 3 тамызында “102” арнасына Астана қаласының тұрғынынан бір күн бұрын, 2 тамызда Астана – Бурабай автожолында BMW X5 автокөлігінің жүргізушісі жол қозғалысы ережелерін өрескел бұзып, апатты жағдай туғызғаны туралы хабарлама келіп түсті.
Өтініш берушінің айтуынша, жүргізуші бірнеше рет қауіпті маневрлер жасаған, басқа көліктердің жолын кесіп, ретсіз жүрген және қозғалыс кезінде белгі шамдарын қоспаған. Бұзушылық фактілері өтініш беруші ұсынған бейнежазбада тіркелді, бұл айтылған мән-жайларды растауға мүмкіндік берді.
Хабарламаны алған полиция қызметкерлері дереу патрульдік полицияның барлық нарядтарына бағдар берді. Өткізілген іс-шаралар барысында жүргізушінің жеке басы анықталды. Құқық бұзушыны жауапқа тарту үшін полиция қызметкерлері оның тұрғылықты жеріне баруға мәжбүр болды.
Жүргізушіге қатысты Қазақстан Республикасының әкімшілік құқық бұзушылық туралы кодексінің екі бабы бойынша әкімшілік материалдар құрылды. Сонымен қатар, онымен жолдағы қауіпті мінез-құлыққа жол бермеу және жол қозғалысы ережелерін қатаң сақтау қажеттілігі туралы профилактикалық әңгіме жүргізілді.
Іс жүргізу барысында жүргізуші оның әрекеттері жол қозғалысының басқа қатысушысымен жанжалды жағдайдан туындағанын айтып түсіндірді. Оның айтуынша, өтініш берушінің өзі бұған дейін жолдың басқа учаскесінде жол қозғалысы ережелерін бұзуға жол берген, осыған байланысты ол полицияға тиісті өтінішпен өз бетінше жүгінуге ниетті. Сонымен бірге, бұл жағдайлар оны жіберілген бұзушылықтар үшін жауапкершіліктен босатпайды.
Полицейлер жүргізушілерді жолдарда сыпайы болуға, эмоцияларға берілмеуге және көлік жүргізуде қарым-қатынасты анықтау фактілеріне жол бермеуге шақырады. Кез-келген жанжалды жағдайлар тек құқықтық салада шешілуі керек. Жол қозғалысы ережелерін сақтау-жол қозғалысының барлық қатысушыларының қауіпсіздігінің кепілі.
Ақпарат көзі : https://www.gov.kz/memleket/entities/mvd-akmola/press/news/details/1267690?lang=ru
Жауап қалдыру Жауапты болдырмау