Қызылорда облысы ТЖД Өнеркәсіптік қауіпсіздік басқармасы мамандарының қатысуымен «ПетроҚазақстан Құмкөл Ресорсиз» АҚ-ның Құмкөл кен орнында оқу-жаттығу дабылы өткізілді.
Іс-шара барысында хабарлау және дабыл беру тәртібі белгіленген талаптарға сай толық орындалды. Авариялық-құтқару қызметтері шартты түрде туындаған өрт ошағын оқшаулау кезінде жоғары практикалық дағдыларын көрсетті. Сондай-ақ авариялық-құтқару бөлімшелері мен кәсіпорын қызметкерлерінің өзара іс-қимылы тиімді ұйымдастырылып, барлық қатысушының әрекеті нақты үйлестірілді.
Мұндай іс-шараларды жүйелі түрде ұйымдастыру және өткізу өнеркәсіптік қауіпсіздік жүйесінің маңызды әрі ажырамас құрамдас бөлігі. Ол өз кезегінде төтенше жағдайлардың алдын алуға және қызметкерлердің дайындық деңгейін арттыруға айтарлықтай үлес қосады.
Ақпарат көзі : https://www.gov.kz/memleket/entities/kpb/press/news/details/1268647?lang=kk
Жауап қалдыру Жауапты болдырмау