Бүгін Талдықорған қаласының әкімі Ернат Бәзіл азаматтарды жеке мәселелері бойынша қабылдады.
Қабылдау барысында тұрғындар аулаларды абаттандыру, көпқабатты тұрғын үйлердің шатырларын күрделі жөндеу, табиғи газбен қамту, кәсіпкерлікті қолдау, әлеуметтік көмек көрсету, оның ішінде жаңа оқу жылына дайындық аясында балаларды мектепке қажетті оқу құралдарымен қамтамасыз ету, сондай-ақ жер телімдерін заңдастыру мәселелерін көтерді.
Қала әкімі әрбір өтінішті мұқият тыңдап, көтерілген мәселелерді жан-жақты зерделеді. Әрбір сұрақ бойынша тиісті сала басшыларына нақты тапсырмалар беріліп, олардың орындалуын тұрақты бақылауға алу тапсырылды.
– Халықпен ашық диалог орнатып, әрбір тұрғынның мәселесіне бейжай қарамау біздің басты міндетіміз. Көтерілген барлық сұрақтар бақылауда болады және кезең-кезеңімен өз шешімін табады, – деді қала әкімі Ернат Бәзіл.
Ақпарат көзі : https://www.gov.kz/memleket/entities/zhetysu-taldykorgan/press/news/details/1269487?lang=ru
Жауап қалдыру Жауапты болдырмау